Իրանի ազգային հավաքականի ֆուտբոլիստներ Հաջի Սաֆին և Մասուդ Շոջաին, ովքեր հանդես են գալիս հունական «Պանիոնիոս» ակումբում, վտարվել են ազգային հավաքականից՝ իսրայելական «Մակքաբի»-ի դեմ խաղալու համար։
«Սաֆին և Շոջաին այլևս տեղ չունեն ազգային հավաքականում, որովհետև հատել են կարմիր գիծը։ Նրանք գումար են ստանում ակումբից՝ պայմանագրով, բայց խաղում են զարհուրելի ռեժիմ ունեցող երկրի ներկայացուցիչների դեմ։ Դա անընդունելի է իրանցի մարդկանց համար»,- հայտարարել է Իրանի սպորտի նախարար Ռեզա Դավարզանին։