Իսրայելցի գիտնականները ենթադրում են, որ իրենց հաջողվել է գտնել այն վայրը, որտեղ ծնվել է Պետրոս առաքյալը, նրա եղբայր Անդրեաս առաքյալը և Փիլիպոս առաքյալը:
Հայտնաբերված բնակավայրը գտնվում է Գալիլյան ծովի հյուսիսում: Ըստ պեղումնագետների՝ այս առաքյալները ծնվել են Բեթսաիդ Հուլիա քաղաքում, որն այդպես անվանվել է Օգոստոս կայսեր դստեր պատվին:
Գիտնականներին հաջողվել է գտնել բաղնիքն, ինչն ապացուցում է, որ այս տեղանքը եղել է քաղաք, ոչ թե ձկնորսական բնակավայր:
Հնարավոր է, հայտնաբերվել են այն տան մնացորդները, որտեղ ծնվել են առաքյալներ Պետրոսն ու Անդրեասը
Բեթսաիդ քաղաքի մասին հիշատակում է պատմագիր Հովսեփ Ֆլավիոսը՝ նշելով, որ Հերոդոտոս Ֆիլիպ 2-ը ձկնորսական գյուղակը վերածել է քաղաքի:
Հայտնաբերված շինության մնացորդները թվագրվել է 1-3-րդ դարերով: Դրանք գտնվել են բյուզանդական կառույցներից 2 մ խորության վրա: Հայտնաբերվել է նաև հռոմեական խճանկար և 2 մետաղադրամ: Մեկը բրոնզից է՝ 2-րդ դարավերջին հատված, մյուսն արծաթագույն դինար է՝ Ներոն կայսեր պատկերով:
Հնարավոր է, հայտնաբերվել են այն տան մնացորդները, որտեղ ծնվել են առաքյալներ Պետրոսն ու Անդրեասը
Բացի այդ, հայտնաբերվել են նաև նախշազարդ պատեր, որոնք, հնարավոր է, հետագայում կառուցված եկեղեցու մնացորդներ են: Վիլիբալդ եպիսկոպոսը Սուրբ երկիր այցելության ժամանակ հիշատակել է մի եկեղեցու մասին, որը կառուցվել է այն տան տեղում, որտեղ ծնվել են առաքյալներ Պետրոսն ու Անդրեասը: Հնարավոր է, հենց այս շինությունն էլ եղել է այդ եկեղեցին:
Հնարավոր է, հայտնաբերվել են այն տան մնացորդները, որտեղ ծնվել են առաքյալներ Պետրոսն ու Անդրեասը