ՀՀ կառավարության որոշմամբ՝ սահմանամերձ համայնքներում ցուցաբերվող սոցիալական ծրագրերի՝ կրթության մասով աջակցությունն այս տարի ավելացել է, լրագրողների հետ զրույցում ասել է ՀՀ կրթության և գիտության նախարարության հանրակրթության վարչության պետ Աշոտ Արշակյանը: Նրա խոսքով՝ այդ համայնքների հանրակրթական դպրոցների 4-12-րդ դասարանի աշակերտներն այս տարվանից դասագրքերը կստանան անվճար: «1-4-րդ դասարանում ամբողջ հանրապետությունում են ստանում անվճար, իսկ սահմանամերձ բնակավայրերը, որոնք պետությունից սոցիալական աջակցություն են ստանում, 4-12-րդ դասարանի աշակերտները դասագրքերն կստանան ամբողջովին անվճար»: