Հնդկաստանի Հուջարաթ նահանգում մուսոնային անձրևների հետևանքով առաջացած ջրհեղեղների պատճառով հուլիսի ընթացքում առնվազն 216 մարդ է մահացել:
Այս մասին հաղորդում է РИА Новости լրատվական գործակալությունը:
Հաղորդվում է, որ հաջողվել է փրկել 18 հազար մարդու կյանք, ավելի քան 112 հազար մարդ տարհանվել է:
Այժմ եղանակային պայմանները Հուջարաթում բարելավվել են: Ջուրն աստիճանաբար ետ է քաշվում, ինչի հետևանքով փրկարարներն ավելի շատ զոհերի մարմիններ են հայտնաբերում: Նշվում է, որ այս տարի ջրհեղեղներն ամենասաստիկն էին վերջին 17 տարվա ընթացքում: