Քալիֆորնիայի Լոս Անջելես քաղաքում բեռնատարը մխրճվել է մայթին կանգնած մարդկանց ամբոխի մեջ, ինչի հետևանքով 8 մարդ է վիրավորվել, նրանցից 4-ի վիճակը ծայրահեղ ծանր է:
Դեպքը տեղի է ունեցել կիրակի օրը, քաղաքի Միդ Ուիլշիր կոչվող շրջանում, հայտնում է Fox News-ը:
Ոստիկանության ներկայացուցիչների նախնական տվյալների համաձայն՝ կատարվածն ահաբեկչություն չէ, այլ ճանապարհատրանսպորտային հերթական պատահար:
Բեռնատարի վարորդը չի փորձել փախչել կամ թաքնվել տեղի ունեցածից հետո, այժմ նրան հարցաքննում է տեղի ոստիկանությունը: