Գերմանիայի Կոնստանց քաղաքի գիշերային ակումբներից մեկում հրաձգություն է տեղի ունեցել, ինչի հետևանքով զոհվել է 2 մարդ, հաղորդում է Spiegel Online-ը:
Միջադեպը տեղի է ունեցել առավոտյան 4:30-ի սահմաններում: Դեպքի վայր են ժամանել ոստիկաններ ու հատուկջոկատայիններ, քանի որ հարձակում գործածների թվի մասին տեղեկատվություն չի եղել: Ակումբի այցելուները խուճապահար փախուստի են դիմել, կամ էլ՝ թաքնվել:
Պարզվել է, որ զոհերից մեկն այցելու է, մյուսը՝ հենց հարձակում գործած տղամարդը՝ 34 տարեկան: Նա մահացել է ոստիկանության հետ փոխհրաձգության ժամանակ:
Հաղորդվում է, որ վիրավորվել է 3 մարդ, այդ թվում՝ նաև ոստիկան:
Քննության վարկածով՝ հարձակվողը գործել է ինքնուրույն, հարձակման դրդապատճառները, սակայն, հայտնի չեն: