Սաուդյան Արաբիայի, Արաբական Միացյալ Էմիրությունների, Բահրեյնի և Եգիպտոսի արտգործնախարարները կարող են տնտեսական նոր պատժամիջոցներ կիրառել արդեն իսկ շրջափակման մեջ գտնվող Կատարի նկատմամբ: Այս մասին հայտնում է Reuters լրատվական գործակալությունը՝ հղում անելով արաբական «Ալ Հայաթ» թերթին:
Ավելի վաղ հաղորդվել էր, որ արաբական քառյակը, որ Դոհայի շրջափակման նախաձեռնողն է, խորհրդակցություն կանցկացնի Բահրեյնի մայրաքաղաք Մանամայում, որպեսզի քննարկի, թե որքանով է Կատարը կատարել իր առջև դրված պահանջները:
Սպասվում է, որ այսօր կայանալիք հանդիպման ընթցքում արաբական 4 երկրների արտգործնախարարներն այնպիսի պատժամիջոցներ կսահմանեն, որոնք աստիճանաբար կազդեն Կատարի տնտեսության վրա: