Իրադարձություններ

«Սասնա ծռեր» խմբի անդամ Թորոս Թորոսյանի պաշտպան Լիպարիտ Սիմոնյանն այսօր տեղի ունեցող դատական նիստի ընթացքում դատավոր Արտուշ Գաբրիելյանին ինքնաբացարկ է հայտնել և իր միջնորդությունը հիմնավորել է մի շարք հանգամանքներով:
     «Դուք խախտել եք իմ և պաշտպանիս դատավարական իրավունքները: Դուք չեք կարող փոխել բնության օրենքը և ժամանակը հետ վերադարձնել: Դուք պարբերաբար խախտում եք օրենքը և կամայականություն իրականացնում»,-հայտարարել է Սիմոնյանը: Դատավորը հեռացել է խորհրդակցական սենյակ՝ ինքնաբացարկի միջնորդությունը քննարկելու:
     Նշենք, որ այս գործը քննվում է Էրեբունի և Նուբարաշեն վարչական շրջանների ընդհանուր իրավասության դատարանի կողմից, սակայն նիստերն արտագնա են անցկացվում, քանի որ այնտեղ դահլիճը փոքր է: Արտագնա նիստն ընթանում է Ավան և Նոր Նորք վարչական շրջանների ընդհանուր իրավասության դատարանում: