Կոտ դ´Իվուարում մեկնարկած Ֆրանկոֆոնիայի 8-րդ խաղերին Հայաստանի պատվիրակությունը հաջող է մեկնարկել: Ազատ ոճի մեր ըմբիշները նվաճել են հինգ մեդալ: 70 կգ քաշային Խաչատուր Պապիկյանը նվաճել է ոսկե մեդալ, 74 քաշային Վարուժան Կոջոյանը և 57 կգ քաշային Մխիթար Գրիգորյանը դարձել են արծաթե մեդալակիր, իսկ 65 կգ քաշային Վաղինակ Մաթևոսյանը և 61 կգ քաշային Աշոտ Վելիցյանը կանգնել են պատվո պատվանդանի երրորդ աստիճանին: