Տեխասի Սան-Անտոնիո քաղաքում ոստիկանությունը խանութից հնչած ահազանգի հետքերով հայտնաբերել է երկար ժամանակ կայանած բեռնատար, որի կցորդում եղել են մահացած ու կիսամեռ մարդիկ, հայտնում է kens5.com-ը: Կցորդում եղած 38 մարդկանցից 20-ը հոսպիտալացվել է, նրանցից ոմանց վիճակը ծայրահեղ ծանր է: Հաղորդվում է 8 զոհի մասին, 2-ը՝ երեխաներ:
Ամենայն հավանականությամբ՝ ուղևորները եղել են մեքսիկացի ապօրինի ներգաղթյալներ, ովքեր ցանկացել են ամեն կերպ հասնել ԱՄՆ:
Նշենք, որ նախկինում ևս հայտնաբերվել են բեռնատարներ՝ բառի բուն իմաստով բեռնված մարդկանցով, որոնց մի մասը շնչահեղձությունից մահացած է եղել: