Խնդրում ենք սպասել...

Իրադարձություններ

Ռուբինյանց փողոցում մարդկանցով լցված վերելակը խափանվել է

15:05, կիրակի, 23 հուլիսի, 2017 թ.
Ռուբինյանց փողոցում մարդկանցով լցված վերելակը խափանվել է

Հուլիսի 23-ին, ժամը 11:09-ին ահազանգ է ստացվել, որ Երևան քաղաքի Ռուբինյանց փողոցի շենքերից մեկի վերելակի ճոպանները պոկվել են, վերելակը 8-րդ հարկից ընկել է առաջին հարկ, ներսում քաղաքացիներ կան. անհրաժեշտ է փրկարարների օգնությունը:

Պարզվել է, որ վերելակը շենքի 1-ին մուտքի 8-րդ հարկից իջնելիս խափանվել է և պարբերաբար ընդհատումներով հասել է առաջին հարկ:

Մինչ փրկարարների՝ կանչի վայր հասնելը՝ 1987 թ. ծնված Ն. Փ.-ը, 2015 թ. ծնված Մ. Բ.-ը, 1986 թ. ծնված Ս. Բ.-ը, 2012 թ. ծնված Թ. Գ.-ը և 2014 թ. ծնված Գ. Գ.-ը տեղի ուժերով դուրս են բերվել վերելակից:

Փրկարարները վերելակից դուրս են բերել 1951 թ. ծնված Ա. Բ.-ին: Տուժածներ չկան: Հոգեբանական աջակցության բաժնի հոգեբանական խորհրդատվության գծով հրահանգիչը վերելակից դուրս բերված քաղաքացիներին ցուցաբերել է հոգեբանական աջակցություն:

4954 | 0
Facebook