Գանձասարում այսօր՝ հուլիսի 23-ին, մեծ հանդիսությամբ նշվում է վանքի Սուրբ Հովհաննես Մկրտիչ եկեղեցու օծման 777-ամյակը: Միջոցառման հետ միասին նշվում է նաև Վարդավառի տոնը:
Դեռ շաբաթներ առաջ եկեղեցու բակում ընթանում էին շինարարական ակտիվ աշխատանքներ: Վերանորոգվել են միաբանական խցերը, քառուղիները, շենքերի տանիքներն ու ծածկը, կանաչապատվել է տարածքի մի մասը: Արցախի թեմի փոխառաջնորդ և Գանձասարի վանքի վանահայր Սահակ վարդապետ Շաքարյանի խոսքով՝ փորձել են որքան հնարավոր է հարազատ մնալ վանքի ճարտարապետության նախնական լուծումներին։
Ավելի վաղ
MAMUL.am լրատվականի
թղթակիցն այցելել էր Գանձասարի վանք, տեղում ծանոթացել իրականացվող աշխատանքներին:
Նշենք, որ Գանձասարի վանական համալիրը գտնվում է Արցախի Հանրապետության Մարտակերտի շրջանի Վանք գյուղի մոտակայքում։ Սուրբ Հովհաննես Մկրտիչ եկեղեցին կառուցվել է 1216–1238 թվականներին։ Վանքն ունեցել է հարուստ ձեռագրատուն, դպրանոց, որտեղ ստեղծվել են բարձրարժեք ձեռագրեր, կրթվել են հոգևոր գործիչներ։