Միլիոնավոր վենեսուելացիներ միացել են ընդիմության կազմակերպած համընդհանուր գործադուլին:
Ինչպես հաղորդում է BBC-ին` ոստիկանության և ընդդիմության միջև բախումների ընթացքում 3 մարդ է մահացել: Ավելի քան 300 մարդ ձերբակալվել է:
Երկրի նախագահ Նիկոլաս Մադուրոն գործադուլն աննշան քայլ է անվանել ու հայտարարել, որ դրա պարագլուխները կկալանավորվեն:
Ցուցարարները մի շարք ճանապարհներ են արգելափակել մայրաքաղաք Կարակասում և այլ խոշոր քաղաքներում: Ընդդիմության տվյալներով` երկրի բնակչության 85%-ը մասնակցում է հայտարարված գործադուլին:
Նշենք, որ այս տարվա ապրիլից ի վեր հակաիշխանական ցույցերի հետևանքով Վենեսուելայում ավելի քան 100 մարդ է մահացել: