ՌԴ նախագահ Վլադիմիր Պուտինն այսօր Սոչիում կհանդիպի Ադրբեջանի նախագահ Իլհամ Ալիևի հետ: Այս մասին, ինչպես գրում է «ՌԻԱ Նովոստի»-ն, ասել է ՌԴ նախագահի մամուլի քարտուղար Դմիտրի Պեսկովը: «Այսօր ուշ երեկոյան Սոչիում կկայանա Ռուսաստանի և Ադրբեջանի նախագահների աշխատանքային շփումը»,- ասել է Պեսկովը: Նա նաև նշել է, որ Պուտինը մեկ օր կանցկացնի Սոչիում, որտեղ կայցելի «Սիրիուս» կրթական կենտրոն, կծանոթանա կենտրոնի աշխատանքի հետ, ինչպես նաև ուղիղ եթերում կշփվի երեխաների հետ: