Այսօր «Սասնա ծռերի» 18 հոգու գործով նիստը ընդմիջելուց հետո գործով փաստաբաններից Դավիթ Գյուրջյանին կարգադրիչները թույլ չեն տվել ջրով լցված շիշը տանել դատական նիստերի դահլիճ:
Գյուրջյանը խնդրել է մատնանշել օրենքի այն կետը, ըստ որի արգելվում է ջրով շիշը տանել դահլիճ։ Կարգադրիչները նրան առաջարկել են ջուրը լցնել բաժակի մեջ, նոր միայն անցնել ներս: «Ջրի մեջ կարող է կիսլատա լինի, բոլոր հնարավոր վտանգները հաշվարկված են»,- ասել են կարգադիրչները:
Խոսակցությանը խառնվել է Դատական դեպարտամենտի ղեկավար Կարեն Փոլադյանը` նշելով, որ ջրով լցված շշով չի կարող մտնել դատական նիստերի դահլիճ՝ անվտանգությունից ելնելով։