«Երկու օր ա՝ անգործ, անբան․․․ գնամ տուն, ի՞նչ ասեմ երեխեքիս։ Առևտրականների 90%-ը պարտքերի տակ է, կարելի՞ էր նման ձևով վարվել»,- ասաց կառավարության շենքի մոտ բողոքի ակցիա իրականացնող Ֆիրդուսի շուկայի առևտրականներից մեկը։ «Խնդրել էինք՝ ժամանակ տալ մինչև դեկտեմբեր, չհամաձայնեցին, ասացինք՝ գոնե սեպտեմբեր, համաձայնեցին, բայց երեկ առավոտյան եկան ու քանդեցին տաղավարները»,- շարունակեցին նրանք։
Վերջինները ևս մեկ անգամ կրկնեցին, որ առաջարկվող տոնավաճառների տեղերը լավ գիտեն, բայց չեն ուզում տեղափոխվել՝ պայմանավորված բարձր վճարներով ու հաճախորդներին կորցնելու վտանգով։