Ավան և Նոր Նորք վարչական շրջանների ընդհանուր իրավասության դատարանում «Սասնա ծռեր» գործով դատաքննության ընթացքում «Սասնա ծռեր» խմբի անդամների փաստաբանները միջնորդություն են ներկայացրել՝ պահանջելով ապահովել 16 ամբաստանյալների ներկայությունը դատական նիստերի դահլիճում:
Ամբաստանյալ Արամ Մանուկյանը հարց է ուղղել դատավորին. «Մեր արածն ապստամբություն էր ու մեր ապստամբությունը շարունակվում է նաև դատարանում: Հիմա, որ տղերքը եկան ու էլի ոտքի չկանգնեցին, էլի հեռացնելո՞ւ եք»:
«Այդ ժամանակ կքննարկենք Ձեր հարցը, իսկ հիմա մի խոսեք»,- ասել է նախագահող դատավոր Արտուշ Հարությունյանը:
Խմբի մեկ այլ անդամ Հովհաննես Հարությունյանն էլ տեղից ասել է. «Հիմա չենք հարգում Ձեզ, ինչ անենք…»:
Դատարանը որոշել է դահլիճում ապահովել բոլոր ամբաստանյալների ներկայությունը: