Ռուսաստանը և Իրաքն ստորագրել են Տ-90 ռուսական տանկերի մատակարարման պայմանագիր, հայտնում է «Իզվեստիա»-ն: Այդ մասին հայտնել է Ռուսաստանի նախագահի ռազմատեխնիկական համագործակցության հարցերով օգնական Վլադիմիր Կոժինը: Վերջինն ասել է, որ թեև ստույգ թվեր չի կարող նշել, այնուամենայնիվ, խոշոր պայմանագիր է եղել՝ տանկերի խոշոր խմբաքանակով:
Ըստ որոշ տվյալների՝ Իրաքի հետ պայմանագրի ընդհանուր գումարը կարող է գերազանցել մեկ միլիարդ դոլարը:
Այժմ, ըստ Կոժինի, ռուսական տանկերի հանդեպ հետաքրքրություն է դրսևորում նաև Քուվեյթը:
Պարբերականն ընդգծում է նաև, որ առաջիկայում իրաքյան բանակը կհամալրվի ինչպես ռուսական, այնպես էլ ամերիկյան տանկերով: