Քալիֆորնիայի նահանգապետն անտառային հրդեհների պատճառով արտակարգ դրության ռեժիմ է սահմանել Մարիպոսա շրջանում։ Այս մասին հաղորդում է РИА Новости-ն։
«Նահանգապետ Էդմունդ Բրաուն կրտսերն այսօր Մարիպոսա շրջանում արտակարգ ռեժիմ է սահմանել՝ Դեթվայլեր (Detwiler Fire) հրդեհի պատճառով, որը ոչնչացրել է հազարավոր հեկտարներ։ Հրդեհների պատճառով խախտվել է էներգետիկ, ջրային հաղորդակցությունը»,- ասվում է հայտարարությունում։ Նշվում է նաև, որ բնակչությանը տարհանել են։