ԱՄՆ իշխանություններն ընդլայնել են Իրանի հանդեպ պատժամիջոցները` բալիստիկ հրթիռների և այլ ծրագրերի համար:
Պատժամիջոցների ցուցակն ավելացվել է ևս 18 կետով: Դրանում ներառված են ֆիզիկական և իրավաբանական անձինք: 16 անձի հանդեպ պատժամիջոցներ են կիրառվել Իրանի ապօրինի գործողություններին և անդրազգային հանցավոր խմբավորումներին աջակցելու համար: 2 անձի հանդեպ պատժամիջոցները սահմանվել են բալիստիկ հրթիռների ծրագրին անմիջական մասնակցության համար:
Բացի այդ, ԱՄՆ-ը ևս մեկ անգամ Իրանին պահանջել է ազատ արձակել լրտեսության համար մեղադրվող ամերիկացիներին:
Մեկնաբանելով ամերիկյան նոր պատժամիջոցները` Իրանի արտգործնախարարությունը հայտարարել է, թե դա ոչ մի արժեք չունեցող գործողություն է: