Իրադարձություններ

     Ասկերանի շրջանի Խաչմաչ գյուղում տարեցտարի բարելավվում են մարդկանց կյանքի պայմանները, որը նպաստում է երեխաների ծնելիության աճին:
     Այս մասին «Արցախպրես»-ի թղթակցի հետ զրույցում ասել է Խաչմաչի համայնքի ղեկավար Ռաֆայել Գրիգորյանը և ավելացրել, որ գյուղում գործում է միջնակարգ դպրոց, որտեղ սովորում է 38 աշակերտ, իսկ նախադպրոցական խմբի 29 երեխաները սովորում են դպրոցում՝ մանկապարտեզի շենք չունենալու պատճառով. կրթօջախն ապահովված է մասնագետներով: «Համայնքի բնակչության 80 տոկոսն զբաղմունք ունի: Բնակչությունը հիմնականում զբաղվում է անասնապահությամբ, հողագործությամբ, մի մասն էլ ծառայում են Արցախի զինված ուժերում: Գյուղն ունի 60 խոշոր և 48 մանր եղջերավոր անասուներ: Ունենք 240 հա գյուղամերձ վարելահող: Բնակչությունը կատարել է 32 հա աշնանացան և 161 հա գարնանացան աշխատանքներ,-ասել է Ռ. Գրիգորյանը:
     Համայնքի ղեկավարի խոսքով՝ գյուղն ամբողջությամբ գազաֆիկացված է, ապահովված մշտական ջրով. բնակչությանը հասանելի է համացանցը: