Իրանի նախագահ Հասան Ռոուհանիի եղբայր Հուսեյն Ֆերեյդունը գրավի դիմաց կալանքից ազատ է արձակվել: Այս մասին հայտնում է РИА Новости-ն՝ հղում անելով իրանական լրատվամիջոցներին:
Ձերբակալությունից մեկ օր անց դատարանը համաձայնել է նախագահի եղբորը գրավի դիմաց ազատ արձակել: Նախապես սահմանվել է, որ Ֆերեյդունը դատարանին պետք է 13.3 միլիոն դոլար վճարի, սակայն դատարանը համաձայնել է գումարի չափն իջեցնել մինչև 8.3 միլիոն:
Նա ձերբակալվել է հուլիսի 16-ին՝ ֆինանսական հանցագործություններ կատարելու մեղադրանքով:
Հուսեյն Ֆերեյդունը 2015 թվականին եղել է Իրանի նախագահի հատուկ ներկայացուցիչն Իրանի միջուկային նախագծի շուրջ բանակցություններում: