MMA մարտիկ Դոնշեյ Ուայթն, ով հանդես էր գալիս սիրողական մակարդակի վրա, մահացել է Լյուիսվիլում կայացած «Hardrock MMA 90» մենամարտերի երեկոյի՝ Ռիքի Մյուզոմի հետ մենամարտից հետո։ 2-րդ ռաունդում Մյուզը հարվածաշար է հասցրել Ուայթին, ինչից հետո մրցավարը դադարեցրել է մենամարտը։ Դոնշեյը տեղում առաջին բուժօգնությունն է ստացել, ոտքի կանգնել, ապա կորցրել գիտակցությունը և ընկել։ Ուայթն անհապաղ հոսպիտալացվել է, որտեղ, գիտակցության չգալով, մահացել է։