Ուխտավորներին տեղափոխող ավտոբուսը Հնդկաստանի հյուսիսում անդունդն է գլորվել: Ինչպես հայտնում է IndiaToday-ը, մահացել է 16, վիրավորվել 35 մարդ: Ուխտավորները մեկնելիս են եղել Ամարնաթհ քարանձավ, որը Ջամու և Քաշմիր շրջանի ամենահայտնի ուխտատեղիներից է:
Վթարի պատճառը դեռ հայտնի չէ, ներկայում իրականացվում են փրկարարական աշխատանքներ:
Նշենք, որ համաձայն վիճակագրության, ամեն օր Հնդկաստանի ճանապարհներին վթարների զոհ է դառնում ավելի քան 400 մարդ, տարվա կտրվածքով նրանց թիվը հասնում է 150 հազարի: