Խնդրում ենք սպասել...

Միջազգային

ԿԺԴՀ-ը բացառել է որևէ բանակցություն «թշնամական» ԱՄՆ-ի ու «կատաղի» Թրամփի միջև

11:10, կիրակի, 16 հուլիսի, 2017 թ.
ԿԺԴՀ-ը բացառել է որևէ բանակցություն «թշնամական» ԱՄՆ-ի ու «կատաղի» Թրամփի միջև

Հյուսիսային Կորեայի իշխանությունները կտրականապես մերժել են ԱՄՆ-ի հետ միջուկային ծրագրի շուրջ որևէ բանակցության հավանականություն՝ ԿԺԴՀ հանդեպ ԱՄՆ-ի «թշնամական» վերաբերմունքի պատճառով:
     Այս մասին հաղորդվում է ԿԺԴՀ Կենտրոնական հեռագրային գործակալության հայտարարությունում:
     «ԱՄՆ-ն պետք է գիտակցի այն փաստը, որ քանի դեռ ինքը չի դադարեցրել իր թշնամական քաղաքականությունը ԿԺԴՀ հանդեպ, ապա մեր երկրի հրթիռային ու միջուկային ծրագիրը երբեք չի դառնա բանակցությունների թեմա և ԿԺԴՀ ապամիջուկայնացումը երբեք հնարավոր չի դառնա»,- ասվում է հայտարարության մեջ:

Հայտարարության մեջ ԱՄՆ-ի, այդ թվում՝ ներկա նախագահ Դոնալդ Թրամփի վարած քաղաքականությունը համարվում է «ավազակապետական», որը կոչ է անում «լայնամասշտաբ ճնշում» գործադրել Փհենյանի վրա:

«Թրամփի վարչակազմն օր օրի անխոհեմ ու կատաղի է դառնում, և նման արձագանքը հաջորդել է ԿԺԴՀ-ի՝ միջմայրցամաքային բալիստիկ «Հվասոն-14» հրթիռի հաջող փորձարկմանը»,- ասվում է հայտարարությունում:

24631 | 0
Facebook