Ինչպես հայտնի է, նախօրեին երեկոյան Եգիպտոսի Կարմիր ծով նահանգի Հուրգադա քաղաքում տեղի է ունեցել զինված հարձակում, ինչի հետևանքով նաև 2 հայ կին է վիրավորվել։ Եգիպտական ԶԼՄ-ները կատարվածի 3 հնարավոր պատճառ են ներկայացրել։
Հարձակումն իրականացրած Աբդելրահման Շաաբանը կարող է լինել ԴԱԻՇ ահաբեկչական խմբավորման հետևորդ:
Եգիպտական «Սադա ալ Բալյադ» գործակալությունը հայտնել է, որ վերջինը հարել է ԴԱԻՇ գաղափարախոսությանը, ապրել է իսլամական շարիաթի օրենքներով:
Ըստ մեկ այլ վարկածի՝ միջադեպն առաջ է եկել կենցաղային վեճի հետևանքով, որին մասնակցել են Եգիպտոսի և Ուկրաինայի քաղաքացի 2 կանայք, գրել է Elmwatin ինտերնետային կայքը:
Երրորդ վարկածի համաձայն՝ հանցագործն ունեցել է հոգեկան շեղումներ:
Հիշեցնենք, որ հարձակման հետևանքով Գերմանիայի երկու քաղաքացուհի է զոհվել է: Բացի այդ, 4 զբոսաշրջիկ վիրավորվել է: