Խնդրում ենք սպասել...
Այսօր`  շաբաթ, 29 հուլիսի, 2017 թ.
Ավանդների տոկոսադրույքը`  
Հայկական դրամ
12.50%
,
ԱՄՆ դոլլար
6.00%
,
Եվրոպական Եվրո
4.00%
,
Ռուսական ռուբլի
8.25%

Համացանց

«Նախիջևանի շուրջ ներկայում տեղի են ունենում ռազմական, քաղաքական նշանակության լուրջ գործընթացներ». Կարեն Վերանյան

15:30, չորեքշաբթի, 12 հուլիսի, 2017 թ.
«Նախիջևանի շուրջ ներկայում տեղի են ունենում ռազմական, քաղաքական նշանակության լուրջ գործընթացներ». Կարեն Վերանյան
     Նախիջևանի շուրջ ներկայում տեղի են ունենում լուրջ ռազմական, քաղաքական նշանակության գործընթացներ, որոնք շատ հաճախ արհեստականորեն չեն բարձրաձայնվում և լուսաբանվում։ Հայտնի է, որ Ադրբեջանի հետ ցամաքային կապի բացակայությունը կարևորագույն դերակատարում է ունեցել Նախիջևանի հարցում Թուրքիայի և Իրանի քաղաքական, տնտեսական ազդեցության ընդլայնման համար։ Մյուս կողմից, սակայն, հաշվի առնելով վերջին տարիներին արցախյան սահմանագծում լարվածության կայուն, որակական աճի միտումները՝ նախիջևանյան գործոնը աստիճանաբար դառնում է շահարկման առարկա տարածաշրջանային տերությունների ձեռքում, ինչից և խուսափում է Բաքուն։ Ադրբեջանի իշխանությունները Նախիջևանի մեկուսացման վտանգը կանխելու հարցում մեծ հույսեր են կապել մասնավորապես Թուրքիայի հետ, սակայն նախիջևանյան ուղղությամբ թուրքական քաղաքական, տնտեսական և ռազմական ազդեցությունը մեղմ ասած մտահոգիչ է Ալիևի համար, և այս հարցում ադրբեջանական կողմը վերջին շրջանում որոշակի հույսեր է կապում նաև Ռուսաստանի հետ։ Նախիջևանյան զարգացումները գտնվում են նաև Ռուսաստանի ուշադրության կենտրոնում, որը փորձում է Նախիջևանի հարցում թույլ չտալ, որպեսզի խախտվի տարածաշրջանային այլ երկրների ներգրավվածության համատեքստում ազդեցությունների առկա հավասարակշռությունը։
     Արցախյան սահմանային լարվածության աճի համատեքստում նախիջևանյան գործոնը յուրօրինակ նշանակություն է ձեռքբերում նաև Հայաստանի համար՝ որպես հնարավորություն, որպես ազդեցության լծակ Բաքվի նկատմամբ։ Մեզ հարկավոր է առավել քան երբևէ օգտագործել նախիջևանյան հնարավորությունը երկու ուղղությամբ՝
     1. Նպաստել Նախիջևանի մեկուսացմանը, որի հետ աշխատանքներ ունենք իրականացնելու թե՛ Իրանի, թե՛ Ռուսաստանի հետ։
     2. Նախիջևանը դե-ֆակտո դիտարկել՝ որպես արցախյան հիմնախնդրի կարգավորման գործընթացի բաղադրիչներից մեկը։
4127 | 0
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am