Թայլանդի Կրաբի նահանգում զինված հանցագործները ներխուժել են բնակելի տուն, որտեղ այդ պահին 11 մարդ է եղել: Հարձակվողները կապել են ներկաների աչքերն ու ձեռնաշղթաներ հագցրել նրանց, այնուհետև գնդակահարել ընտանիքի բոլոր անդամներին: Ստացած հրազենային վիրավորումներից 6 մարդ տեղում մահացել է, այդ թվում` երկու երեխա: Ընտանիքի հայրն ու մի աղջիկ մահացել են հիվանդանոցի ճանապարհին: Մյուս երեքը ծանր վիճակում գտնվում են հիվանդանոցում:
Զինված խումբը, որի կազմում վեց կամ յոթ մարդ է եղել, փախել է դեպքի վայրից: Այլ մանրամասներ հայտնի չեն, գրում է Life-ը: