ԱՄՆ նախագահ Դոնալդ Թրամփն ու ՌԴ նախագահ Վլադիմիր Պուտինը Համբուրգում երկկորղմ հանդիպման ժամանակ քննարկել են այսպես կոչված՝ Ռուսաստանի միջամտության հարցը ամերիկյան ընտրություններում: Այս մասին գրում է The New York Times-ը՝ հղում անելով Սպիտակ տան իր աղբյուրին:
Վերջինի խոսքերով՝ «ժամանակ առ ժամանակ իրադրությունը թեժանում էր, իսկ պարոն Պուտինը բարձրաձայն ապացույցներ էր պահանջում նախագահից, ով ինքն էլ բազմիցս կասկածի տակ էր դրել ամերիկյան հետախուզության հայտարարություններն այն մասին, որ Ռուսաստանը փորձել է ընտրությունների ընթացքը թեքել հօգուտ Թրամփի»: Այնուհետև Թրամփն առաջարկել է փոխել թեման՝ անդրադառնալով Սիրիային:
Շաբաթ օրը Վլադիմիր Պուտինն անձամբ է հայտարարել, թե ԱՄՆ առաջնորդն «ընդունել է ի գիտություն և համաձայնություն» իր այն հայտարարությունները, թե Ռուսաստանը չի միջամտել ընտրություններին:
Թրամփը դեռ չի մեկնաբանել Պուտինի հետ բանակցությունները՝ սահմանափակվելով միայն «այն հրաշալի էր» արտահայտությամբ: