Գինեսի ռեկորդների գրքի ներկայացուցիչները Հնդկաստանում հետևել են նոր ռեկորդի ծնունդին: Էկոլոգիական խոշորագույն ակցիայի շրջանակներում Հնդկական թերակղզում, Նարմադա գետի ափի երկայնքով տնկվել է 66 միլիոն ծառի տնկի: Ակցիային մասնակցել է ավելի քան 1,5 միլիոն մարդ: Ընդ որում, այդքան տնկիները տնկվել են ընդամենը կես օրվա՝ 12 ժամվա ընթացքում:
Դեռևս ռեկորդը չի հաստատվել, սակայն երբ հաստատվի, կգերազանցի նախորդ ռեկորդը, որը նույնպես գրանցվել էր Հնդկաստանում 2016 թվականին: Այն ժամանակ մեկ ցերեկվա ընթացքում տնկվել էր 50 միլիոն տնկի: