Հարավային Կորեայի զինծառայողները հայտարարել են, որ Փհենյանը միջմայրցամաքային բալիստիկ հրթիռ է արձակել։ Reuters-ի փոխանցմամբ՝ Ազգային անվտանգության խորհրդի նիստի բացման ժամանակ այս մասին ասել է Հարավային Կորեայի նախագահ Մուն Ջեինը։
Նա հայտարարել է, որ խորապես հիասթափված է Փհենյանի գործողություններից, որոնք հետևել են իր և ԱՄՆ նախագահ Դոնալդ Թրամփի՝ զսպվածության կոչերին։
Հարավային Կորեայի նախագահը դատապարտել է հրթիռի արձակումը, որը հակասում է ՄԱԿ-ի բանաձևերին և անտեսում միջազգային կոչերը։
Հաղորդվում է, որ բալիստիկ հրթիռն անցել է ավելի քան 930 կմ և ընկել Ճապոնական ծով։