Ուկրաինայի ազգային անվտանգության ծառայությունը կարծում է, որ ռուսական հատուկ ծառայությունները մասնակից են կիբերհարձակմանը, որը սկսվել էր հունիսի 27-ին:
Հիշեցնենք՝ խոսքը Petya.A վիրուսի մասին է, որի գրոհին ենթարկվել էին այդ երկրի կառավարության, ինչպես նաև տարբեր ընկերությունների համակարգիչները:
Ուկրաինայի անվտանգության ծառայությունում հայտարարել են, որ «ձեռք բերված տվյալները հիմք են տալիս կարծելու, որ հարձակմանը մասնակցել են հաքերային նույն խմբավորումները, որոնք 2016 թվականի ձմռանը խափանել էին Ուկրաինայի տրանսպորտային և էներգետիկ օբյեկտների գործունեությունը, ֆինանսական համակարգը»:
Ըստ Կիևի՝ հաքերային հարձակումը նպատակ ուներ ապակայունացնել Ուկրաինայի հասարակական-քաղաքական կյանքը: