«Ելք» խմբակցության պատգամավոր Նիկոլ Փաշինյանը ֆեյսբուքյան ուղիղ եթերում տեղեկացրել է, որ «Սասնա ծռեր» խմբի անդամ Արայիկ Խանդոյանի և Արեգ Կյուրեղյանի վնասվածքներն արձանագրվել են «Նուբարաշեն» ՔԿՀ-ի վարչակազմի կողմից։ ««Նուբարաշեն»-ի ՔԿՀ-ից ինձ տեղեկացրել են. որ Խանդոյանի և Կյուրեղյանի մարմինների վրա բոլոր վնասվածքները արձանագրվել են և արձանագրությունները ուղարկվել են Գլխավոր դատախազություն»,-ասաց Փաշինյանը:
Ավելի վաղ տեղեկացրել էինք, որ Արայիկ Խանդոյանին և Արեգ Կյուրեղյանին դատարանի նկուղում ծեծի են ենթարկել: