Այսօր լրագրողների հետ հանդիպմանը Շավարշ Քոչարյանն անդրադարձել է պաշտպանության նախարար Վիգեն Սարգսյանի երեկ արած հայտարարությանը , ըստ նրա լայնամասշտաբ պատերազմ չի սկսվի. «Մենք միշտ պետք է պատրաստ լինենք մեր հարևան հակառակորդի ամենաարկածախնդիր քայլերին, իսկ կոնկրետ գնահատականն, իհարկե, Պաշտպանության նախարարն ավելի լավ է տիրապետում իրավիճակին»:
Խոսելով ՌԴ-ի կողմից Ադրբեջանին զենքի նոր խմբաքանակի մատակարմանը՝ փոխնախարարն ասել է, որ չպետք է ունենալ ավելորդ սպասելիքներ: «Իհարկե, Ռուսաստանը մեր դաշնակիցն է, բայց ավելորդ սպասելիքներն այլ պատկերի կարող են բերել: Դա իրականությունն է, և մեր դիրքորոշումն այդ հարցում հստակ ու պարզ է», -ընդգծեց նա։