Կառուցվում է «Հրանտ Մաթևոսյան» մշակութային կենտրոն-թանգարանը
16:20, չորեքշաբթի, 28 հունիսի, 2017 թ.
2003 թվականին՝ Հրանտ Մաթևոսյանի մահվանից ամիսներ անց, ստեղծվեց «Հրանտ Մաթևոսյան» մշակութային-բարեգործական հիմնադրամը, որի գլխավոր նպատակը գրողի ստեղծագործական ժառանգության պահապանումն ու տարածումն էր: Այդ նպատակին էր ծառայելու նաև Հրանտ Մաթևոսյան մշակութային կենտրոն-թանգարանը, որի շինարարությունն այսօր ընթացքի մեջ է: Աբովյան փողոցի հարևանությամբ շուտով ամբողջությամբ «մաթևոսյանական միջավայր» կստեղծվի: Աբովյան պուրակին հարակից փողոցը կկրի Հրանտ Մաթևոսյանի անունը, որտեղ էլ մեծ գրողի անունը կրող կենտրոն-թանգարանն է: Կառուցվում է «Հրանտ Մաթևոսյան» մշակութային կենտրոն-թանգարանը Կառուցվում է «Հրանտ Մաթևոսյան» մշակութային կենտրոն-թանգարանը Հրանտ Մաթևոսյանի որդու` Դավիթ Մաթևոսյանի որդու փոխանցմամբ` Լոռվա բնության մոդելավորմամբ, մաթևոսյանական աշխարհի տեղանուններով պուրակում բացօթյա դասերի, ցուցահանդեսների, կրթա-մշակութային ամենատարբեր միջոցառումների անցկացման, ինչպես նաև հանգստի պայմաններ կստեղծվեն: «1850-ականներին, երբ Հաղպատից եկած մեր գերդաստանը հիմնեց Ահնիձորը, կառուցվեց գերդաստանի առաջին գլխատունը՝ գերդաստանի տունը: Կենտրոնի կլոր շենքը կառուցվում է հենց այդ գլխատան կամ հազարաշենի սկզբունքով»,- նշում է Դավիթ Մաթևոսյանը: Կառուցվում է «Հրանտ Մաթևոսյան» մշակութային կենտրոն-թանգարանը Նրա բնորոշմամբ, չնայած կետրոնի շենքի ժամանակակից լուծումներին, արմատների հետ կապն անխզելի է. «Մաթևոսյանը, ինչքան էլ որ արմատներից էր, ինքը նորի ստեղծող էր, և նրա գրականությունն անընդհատ նորոգ է: Նա մի համոզմունք ուներ, որն ամբողջությամբ կիսում եմ՝ գրողը ձևավորողն է ժամանակի և պատմության, գրողը ամեն ինչ է, որովհետև գրականությունը մշակույթի հենքն է: Ի սկզբանե էր Խոսքը և Խոսքը ամեն ինչ է»: Կառուցվում է «Հրանտ Մաթևոսյան» մշակութային կենտրոն-թանգարանը Կառուցվում է «Հրանտ Մաթևոսյան» մշակութային կենտրոն-թանգարանը |
5647 | 0