Թուրքիան պատրաստ է իրականացնել ևս մեկ ռազմական գործողություն Սիրիայի հյուսիսում, եթե իր սահմաններին վտանգ սպառնա. այս մասին «Известия» թերթին ասել է Թուրքիայի նախագահ Ռեջեփ Թայիփ Էրդողանը:
«Այժմ Սիրիայում ընթանում են բացասական գործընթացներ, եթե դա մեր սահմանների համար սպառնալիքի հանգեցնի, մենք կարձագանքենք նույն կերպ, ինչպես «Եփրատի վահան» ռազմական օպերացիայի ժամանակ»,-ասել է թուրք առաջնորդը:
Հիշեցնենք, թուրքական բանակը 2016 թ. օգոստոսի 24-ին սկսեց «Եփրատի վահան» օպերացիան` ընդդեմ ԴԱԻՇ ահաբեկչական խմբավորման՝ Սիրիայի ընդդիմության մասնակցությամբ գրավելով Սիրիայի հյուսիսում գտնվող Ջերաբլուս սահմանային քաղաքը, ինչպես նաև Ալ-Բաբը: