Նախագահ Դոնալդ Թրամփը, CNN հեռուստաալիքից Ռուսաստանին վերաբերվող նյութերի հեռացման և երեք լրագրողների ազատման դեպքից հետո, հեռուստաընկերությանն առաջարկել է ջնջել մյուս բոլոր «կեղծ նյութերն», այս մասին նա գրել է Twitter-ի իր էջում:
«Վատ չէ, CNN-ն ստիպված է եղել հեռացնել Ռուսաստանի մասին մի շատ մեծ հոդված, իսկ երեք աշխատակիցները ստիպված են եղել հրաժարական տալ: Ի՞նչ կասեք մյուս բոլոր կեղծ նյութերի հեռացման մասին` ֆեյքային լուրերի»,- գրել է նա:
Հիշեցնենք՝ ամերիկյան CNN հեռուստաալիքը որոշել էր խստացնել խմբագրության կանոնները` կապված Ռուսաստանին առնչվող թողարկումների հետ, և սա այն բանից հետո, երբ հեռուստաալիքի առցանց էջերում հայտնվեցին «չստուգված» տեղեկություններ, որոնք ազդում էին Դոնալդ Թրամփի վարկանիշի վրա։