Երգչուհի Վարդուհի Վարդանյանն այսօր կդառնար 41 տարեկան: Նա ծնվել է 1976 թվականի հւնիսի 27-ին:
Երգչուհին իր կարիերայի ընթացքում մասնակցել է միջազգային մի շարք մրցույթների և մշտապես ստացել բարձր պարգևներ։
1999թ. արժանացել է «Հայաստանի լավագույն երգչուհի» կոչման: 2000 թվականին Հայաստանը ներկայացրել է «Սլավյանսկի բազար» միջազգային մրցույթում և արժանացել 2-րդ մրցանակին:
Մահացել է 2006 թվականի հոկտեմբերի 15-ին Սևան-Մարտունի մայրուղում տեղի ունեցած ավտովթարից։
Հետմահու արժանացել է Հայկական երաժշտական մրցանակաբաշխության «Հայաստանի լավագույն երգչուհի» կոչման: 2006 թ-ից Հայկական ազգային երաժշտական մրցանակաբաշխության հանձնաժողովի կողմից սահմանվել է Վարդուհի Վարդանյանի անվան հատուկ մրցանակ: Թողարկվել է երգչուհու «Խառնաշփոթ» (2007թ.), «Только ты» (2007թ.), «Իմն ես» (2011թ.), «13 երգ՝ նվիրված Վարդուհի Վարդանյանին» (2008թ.) ձայնասկավառակները:
Երգչուհու ծննդյան օրվա առթիվ երգիչ Անդրեն սոցիալական ցանցի իր էջում տեղադրել է համատեղ լուսանկարներ և դրանք մակագրել. «Այսօր ծնվել է իմ ամենաթանկ ու անփոխարինելի հրաշք ընկերը, իմ Վարդուհիս»:
«Ծնունդդ շնորհավոր հրաշքս, կարոտել եմ, կարոտում եմ, կարոտելու եմ մինչև հանդիպելը»,- Ինստագրամի իր էջում գրել է դերասան, հումորիստ Արմուշը: Նշենք, որ վերջինս ավտթվթարի ժամանակ երգչուհու հետ էր եղել: