Մոսկվայի Մեծ թատրոնում անցկացված՝ Բալետի արտիստների և պարուսույցների միջազգային մրցույթում Սպենդիարյանի անվան օպերայի և բալետի ազգային ակադեմիական թատրոնի արտիստ Ռազմիկ Մարուքյանը երիտասարդների տարիքային խմբում որպես մենապարող արժանացավ դիպլոմի:
Բալետի արտիստների և պարուսույցների միջազգային մրցույթը մերօրյա բալետային ստուգատեսների շարքում մեծ հեղինակություն է վայելում. տեղեկացնում է Ալ. Սպենդիարյանի անվան օպերայի և բալետի ազգային ակադեմիական թատրոնի հանրային կապերի բաժինը:
Միջազգային մրցույթն այս տարի նվիրված էր անվանի պարուսույց, մրցույթի ժյուրիի նախագահ Յուրի Գրիգորովիչի 90-ամյա հոբելյանին: