Իրադարձություններ

Ալեքսանդր Սպենդիարյանի անվան օպերայի և բալետի ազգային ակադեմիական թատրոնի արտիստները Շուշիի Մշակույթի և երիտասարդության տանն օրերս ներկայացրին Արմեն Տիգրանյանի «Անուշ» օպերան: Մշակութային բացառիկ այս իրադարձությունը մեծ խանդավառություն էր առաջացրել Շուշիում:
     Արցախի հեռավոր գյուղերից և մայրաքաղաք Ստեփանակերտից մեծ թվով հանդիսականներ էին եկել «Անուշը» դիտելու: Արցախցիներն ասացին, որ այսօրինակ մշակութային այցերի ականատեսը կուզենային պարբերաբար լինել։
     «Մշակութային կանգառ» ծրագրի շրջանակում «Անուշ» օպերան ներկայացվել է Էջմիածին, Մեծամոր, Գորիս, Ջերմուկ և Շուշի քաղաքներում: Հոկտեմբերին նախատեսված է «Անուշի» ցուցադրությունն Աբովյան քաղաքում: