Իրադարձություններ

Հուլիսի 4-ին «Նարեկացի» արվեստի միությունում տեղի կունենա ճարտարապետ Արա Զարյանի և որմնանկարի վերականգնման մասնագետ Քրիստին Լամուղէի՝ «Հայկական եկեղեցիներում որմնանկարների պահպանումն ու վերականգնումը իտալական փորձառությամբ» խորագիրը կրող բանախոսություն։
     Շուրջ վեց տարի Արա Զարյանը և Քրիստին Լամուղէն ուսումնասիրում են հայկական եկեղեցիներն ու իրականացնում վերականգնողական աշխատանքներ:
     Արա Զարյանի փոխանցմամբ` մինչ օրս իրականացրել են ՀՀ Սյունիքի մարզի Որոտնավանք համալիրի Ս. Կարապետ եկեղեցու, Շիրակի մարզի Լմբատավանք Ս. Ստեփանոս նախավկա եկեղեցու, Արագածոտն մարզի Աշտարակի Կարմրավոր Ս. Աստվածածին և Արցախի Դադիվանք համալիրի Կաթողիկե եկեղեցում պահպանված որմնանկարների վերականգնումն ու ամրակայումը: