Ֆեյսբուքյան օգտատեր գյումրեցի Տիգրան Պետրոսյանի էջից տեղեկանում ենք, որ գյումրեցիներն` ի նշան բողոքի, Գյումրու ավտոկայանը Վարդանանց հրապարակին կապող Շահումյան փողոցում առկա ջրափոսերի կողքին աթոռներն են տեղադրել, որպեսզի մարդիկ և մեքենաները չհայտնվեն ջրափոսերի մեջ: «Մեկ ամսից ավելի անցում էի Գյումրի ավտոկայարանից դեպի հրապարակ տանող Շահումյան փողոցի սկզբնամասում գտնվող այս խորը ջրափոսերի, և դրանց մեջ չընկնելու համար հարևանությամբ ապրող մարդկանց կողմից դրված աթոռախմբի մնացորդների կողքով, և զգում էի, որ այդ կոմպոզիցիային վերնագիր էր պակասում...»,- գրել է ֆեյսբուքյան օգտատեր Տիգրան Պետրոսյանը՝ տեղադրելով լուսանկարները: Նշենք, որ գյումրեցիները աթոռներին «Անվտանգություն և առաջընթաց» պաստառներ են փակցրել: