Իրադարձություններ

Գեղանկարիչ Սարգիս Մուրադյանը ծնվել է Երևանում: 1945-ին ավարտել է Երևանի Փ. Թերլեմեզյանի անվան գեղարվեստի ուսումնարանը, 1951-ին` Երևանի գեղարվեստաթատերական ինստիտուտը: 1982-87-ին եղել է Հայաստանի նկարիչների միության նախագահը:
     Անդրադարձել է Հայոց Մեծ եղեռնի և հայ ժողովրդի պատմական անցյալի թեմաներին:
     Նկարչի արվեստում առանցքային է ժամանակակից մարդու թեման` «Գարունը լեռներում, «Զարթոնք», որոնց բնորոշ են վառ գունապատկերը, անհատականացված կերպարները, զգացմունքային հագեցվածությունը:
     «Սարգիս Մուրադյան մեծությունը մարդ էր, որը ոչ միայն արարել է հավերժ ապրող նկարներ, այլ հայ է, որը ակտիվորեն մասնակցել է հայոց ցեղասպանության ճանաչման, Արցախի հիմնահարցի լուծման, 1988-1996 թվականներին՝ Հայաստանի անկախության կայացման գործընթացներին»,- ասում է Սարգիս Մուրադյանի ընկերներից Յուրա Պետրոսյանը:
     Սարգիս Մուրադյանը 1972-ին արժանացել է Հայաստանի արվեստի վաստակավոր գործչի, 1977-ին` ժողովրդական նկարչի կոչումներին: Մահացել է 2007-ին`Երևանում: