Facebook-ը կարգելի, որպեսզի անծանոթները ներբեռնեն օգտատերերի լուսանկարները: Սոցկայքի նոր նախագծերի առաջխաղացման գծով մենեջեր Սոմանը հայտարարել է, որ այժմ փորձարկումներ են իրականացվում այդ ուղղությամբ: Սկզբնական շրջանում դա հասանելի կլինի միայն Հնդկաստանի օգտատերերին, փոխանցում է Коммерсантъ-ը:
Նորարարությունը թույլ կտա օգտատերերին սահմանափակել իրենց լուսանկարները ներբեռնելու հնարավորությունը և կարգելի անծանոթներին տարածել դրանք:
Facebook-ի ներկայացուցիչները բացատրել են, որ դա արվում է օգտատերերի անձնական տվյալների պաշտպանության համար: