Ոստիկանության լրատվական ծառայությունից տեղեկացնում են, որ Տավուշի մարզում Դեբեդ գետում կին է ջրահեղձ եղել: ՀՀ ոստիկանության լրատվական վարչության ԶԼՄ-ների հետ կապի բաժնի պետ Էդգար Ջանոյանը տեղեկացրեց, որ դեպքի մասին քաղաքացին ահազանգել է ոստիկանություն և ասել, որ իր մայրն ընկել է գետն ու խեղդվել:
«Որդին տեղեկացրել է, որ հունիսի 19-ին մայրը տնից դուրս է եկել, գնացել Դեբեդ գետի հարևանությամբ գտնվող իրենց այգին և չի վերադարձել: Հաջորդ օրը Դեբեդ գետում՝ այգուց մի քանի մետր հեռավորության վրա, գտել է մոր դին»,- ասաց Ջանոյանը:
Նշանակվել է դատաբժշկական փորձաքննություն, դեպքի առթիվ նյութեր են նախապատրաստվում: