Ինչպես արդեն
հայտնել էինք, հակառակորդը հաստոցավոր հակատանկային նռնականետերից խախտել էր հրադադարի պահպանման ռեժիմը ՊԲ կենտրոնական ենթակայության զորամասերից մեկի պահպանության տեղամասի ուղղությամբ, ինչի հետևանքով մահացու վիրավորումներ էին ստացել ՊԲ երեք զինծառայողներ: Զոհված զինծառայողներն են Արայիկ Ռուդիկի Մատինյանը (ծնված 1997թ.), Վիգեն Ժիրայրի Պետրոսյանը (ծնված 1997թ.) և Վարդան Ծովակի Սարգսյանը (ծնված 1997թ.), Նարեկ Գասպարյանը (ծնված 1997թ.):
Վարդան Սարգսյանին բանակ ճանապարհելու մասին տեսանյութ է դեռևս նախորդ տարվա հունվարին հրապարակել «Առաջին լրատվական»-ը: Տեսանյութում Վարդանը նվագում է և ասում. «Աստված տա, լրատվականներով առավոտ չլսենք, որ զոհ ենք տվել: Պատրաստ եմ պարտքս տամ ու ինչու չէ՝ զոհվեմ հայրենիքիս համար....»: