ԱՄՆ նախագահ Դոնալդ Թրամփը ներկայացրել է 2016 թվականի իր ֆինանսական հաշվետվությունը: 98 էջանոց փաստաթուղթը հրապարակված է կառավարությանն առընթեր Էթիկայի հարցերի գրասենյակի կայքում: Այս մասին գրում է «ՌԻԱ Նովոստին»՝ հղում անելով Սպիտակ տան մամուլի ծառայությանը։
«Նախագահը կամավոր է ներկայացնել իր անձնական ֆինանսական հաշվետվությունները»,- նշված է հաղորդագրության մեջ։
Հաշվետվությունում մասնավորապես նշվում է, որ ԱՄՆ նախագահը 298 մլն դոլարի չափով եկամուտ է ստացել իր գոլֆի ակումբներից, 37.2 մլն դոլար՝ Ֆլորիդայի «Մար ա Լագո» հանգստավայրից, 19.7 մլն դոլար՝ անցյալ տարի Վաշինգտոնում բացված Trump Hotel-ից:
Նշված է 565 ընկերությունների մասին, որոնց ղեկավար պաշտոններից Թրամփը հեռացել է նախագահի պաշտոնը ստանձնելուց առաջ: Նա նաև 315 մլն դոլարի պարտքի պարտավորություններ ունի: