Ծանր քաշային կարգում WBC վարկածով աշխարհի չեմպիոն ամերիկացի բռնցքամարտիկ Դեոնթեյ Ուայլդերը բերման է ենթարկվել՝ մարիխուանա պահելու համար։ Նա ձերբակալվել է Թասքալուսա քաղաքում։ Ավելի ուշ Ուայլդերն ազատ է արձակվել 1000 ԱՄՆ դոլար գրավի դիմաց։ Մարզիկի փաստաբանը հայտարարել է, որ մեքենայում հայտնաբերված մարիխուանան Ուայլդերին չի պատկանում, քանի որ նրա ավտոմեքենան այլ անձ է օգտագործել, իսկ Դեոնթեյը քաղաքում չի եղել։