Սոմալիի մայրաքաղաք Մոգադիշոյում երեկ իսլամիստ ահաբեկիչները Posh Treats հյուրանոցի մոտ ավտոմեքենա են պայթեցրել, ինչից հետո ներխուժել են մոտակայքում գտնվող ռեստորան և պատանդներ վերցրել:
Կրկնակի հարձակման հետևանքով զոհվել է 17 մարդ, վիրավորվել 26-ը: Զոհերի շարքում կան նաև արտասահմանցիներ:
Ահաբեկիչներից 2-ն սպանվել են: Ազատ են արձակվել ռեստորանում պահվող պատանդներից 10-ը: Ռեստորանի ներսում դեռևս 5 ահաբեկիչ կա: Նրանք անջատել են էլեկտրականությունը, որպեսզի խոչընդոտեն հատուկ ջոկատայինների աշախատանքը: Ռեստորանի ներսում մնացած պատանդների թիվը ճշտվում է:
Կատարվածի պատասխանատվությունն ստանձնել է «Աշ Շաբաբ» ահաբեկչական խմբավորումը: