Ի՞նչ է խոսում քաղաքը

     Վերջին օրերին համացանցում են հայտնվել Հայաստանի ազգային հավաքականի և «Մանչեսթր Յունայթեդ»-ի կիսապաշտպան Հենրիխ Մխիթարյանի՝ ռուս մոդել և հաղորդավարուհի Վիկտորյա Լոպիրյովայի հետ լուսանկարները: Ասում են, որ Ռուսաստանում կայանալիք աշխարհի 2018-ի առաջնության դեսպան Վիկտորյան Հայաստան է այցելել Հենրիխի հրավերով։ Շատերը քննադատորեն են մոտենում համատեղ լուսանկարներն այդքան քննարկողներին՝ հիմնավորելով․ «Հենրիխ Մխիթարյանն ինչ-որ տեղ է գնացել ինչ-որ աղջկա հետ, մարդիկ երկու օր է՝ չեն կարողանում հանգստանալ՝ քննարկելով այդ փաստը»:
     Մինչդեռ, շրջանառվող լուրերի համաձայն, քննարկման հիմքում Հենրիխի ու Վիկտորյայի միջև առկա սիրավեպն է, որը նոր է սկսվել։ Ավելի վաղ Հենրիխին լուսանկարել էին շապիկով, որի վրա գրված էր՝ «Կներեք աղջիկներ, ժամադրում եմ միայն մոդելների», ինչը թեթև ակնարկ էր ընկալվել։